Вотэсбам сярысь

Ӟечбуресь, гажано эшъёс!
Ми, Кукмор ёросысь Нырья шор ёзо школаын дышетскисьёс, малпамы удмурт пиналъёслы но дышетӥсьёслы вотэсбам кылдытыны. Таӵе вотэсбам кемалась кулэ ни асьмелы, малы ке шуоно ӟуч, бигер, немец но англи кылъёсыз дышетскисьёслы туж трос дышетскыны юрттӥсь ужъёс дунневотэсысь шедьтыны луэ. Нош асьме анай-атай удмурт кылмы воксё интернетын ӧвӧл. Вань школьной сочинениос но дорысь ужъёс вылын туж кема пуконо луэ, озьы ик секыт дышетӥсьёслы но урокъёсты дасяны.

Удмурт пиналъёслы но дышетӥсьёслы выльысь но выльысь «весьпед» малпано луэ… Нош со дыре вань дунне воля азьло кылдытэм ужъёсыз азьланьтыса-умоятыса. Соин ик, гажано эшъёс, асьмелы кулэ удмурт кылмес азьланьтыны, сое волятыны, чебергес но устогес карыны! Ойдолэ ог-огмылы юрттомы дырмес дунъяны но вордскем удмурт кылынымы данъяськыны!
Соин ик ми куриськомы Тӥлесьтыд удмурт кылъя но литературая УСТО ужъёстэс милемлы лэзьыны. Ми туж шумпотомы шонер удмурт кылын гожтэм ужъёслы.
Пыралэ ми доры кепыратэк, вань ужъёсмы витё Тӥледыз. Нош эн вунэты аслад http://nirja.ru/ эшедлы но юрттыны — одно ик ысты милемлы аслэсьтыд ужъёстэ!  Тӥляд ужъёсты шоры учкыса, удмурт пиналъёс дышетӥсьёс асьсэ ужъёссэс азьланьтыны быгатозы. Нош юанъёсты-сюлэм шугъяськонъёсты вань ке, озьы ик вазиське милемлы.
Ваньмыз валамон ке — озьыен АЗЬЛАНЬ!

Вотэсбам сярысь: 2 комментария

  1. Юра

    Туж бадзым ТАУ шуэм потэ Владимир Туймурзовичлы та сайт бордын ужамез понна дырзэ жалятек.

  2. Лариса Булдакова

    Бадзым тау Тиледлы, бадзым уж борды кутскемды понна. Татысь трос пайдаёзэ шедьтыны луэ. Выль азинсконъес, Владимир Туймурзович.

Добавить комментарий

Ваш e-mail не будет опубликован. Обязательные поля помечены *