Тулыс вуиз вордӥськем шаерам

     Арлэн дырыз котькыӵе луыны быгатэ: сӥзьыл-зоръёс, толалтэ — кезьытъёс, гужем -шундыё, а вот тулыслэн аслаз пӧртэмлыкъёсыз вань: соку лымы шуна, тудву бызе, шунды золгес пиштэ аслаз ӵуж, жуась тылсиосыныз. Кыӵе шулдыр ини соку! Сыӵе дыръя коркан пукем уг поты, сюлэм кыске солэсь чеберзэ адӟыны.

    Тулыс — со самой но вазь вуись арлэн дырыз. Солэсь вуэмзэ шӧдтэк но кылёд. Тулыс ваньзэ сайкатэ, вырӟытэ. Сайкало нюлэскысь пӧйшуръёс, тылобурдоос кисьто асьсэлэсь гурзэс, музъем лымы улысь потэ.

    Мынам шаерам но тулыс вуиз!

    Мар со Родина? Котькуд адями тае ас сяменыз вала. Нош мынам малпамея, со — аслад яратоно гуртэд, аслад вордӥськем коркаед. Озьы ик — кузь кыстӥськись вож нюлэсъёс, сюресъёс, лачмыт жыльыртӥсь шуръёс, ошмесъёс зарни но шепъёсын тулкымъяськись бусыос.

   Нош мынам яратоно гуртэ — Старая Кня-Юмья. Мон отын вордӥськи, али но отын улӥсько. Кыӵе мусо но шулдыр потэ со мыным!

   Гуртоосмы тулыс ю-нянь кизё. Бусыын тракторъёс быдэс нуналл гурето. Нош пичиослы кыӵе куанымон. Шулдыр ик та вакытэ гуртамы. Ас поннам малпасько: «Кыӵе умой улыны та улонын!»

Добавить комментарий

Ваш e-mail не будет опубликован. Обязательные поля помечены *