Сочинение-рассуждение «Ма со сыӵе яратон?»

Яратон, яратон! Мар меда сыӵе тон?

Оло тон-шумпотон, оло тон-куректон?

Улонэз тон шудо шундыё кариськод.

Нош малы куддыръя быронэ вуттӥськод?

Яратон-ӵындытэк ӝог ӝуась тылсюлэм,

Яратон-сяськаё шулдырез тулыслэн,

Кырӟамез уӵылэн.

Мар со сыӵе яратон? Лыктэ, дыр, тӥляд йырады сыӵе юан. «Санӥ» повестьын но ӝутэмын та тема.

Героинямы нырысь ик улӥз узыр муртэн. Нош собере со тодматскиз Камит нимо беглоен. Со туж яратӥз сое. Камит понна со ачиз но беглой луиз. Соос туж умой улӥзы. Нош котькыӵе гожтэмъёсын еч ужъёс сяна уродъёсыз но вань. Санӥез виизы. Озьы быриз Камитлэн но Санӥлэн яратонэз.

«Италмас» поэмаын но яратон вань. Италмас но Ладит туж ярато вал ог-огзэсты. Лади Италмас понна ваньзэ дась вал карыны. Одӥг нуналэ со Италмас понна улонэныз но люкиськиз.

Нош мон сямен, яратон-со сыӵе мылкыд, кудзэ валэктыны но уг луы. Яратӥсь адями ноку но уз курла тонэ, номыр но уз вера тон сярысь уродзэ.

Яратон-а визь-нод, валэктон юалоз!

Яратон паськытэсь шуръёсты выжылоз.

Яратон-садъёсын шыпыртӥсь уй тӧлъёс,

Яратон-со ачиз ӧтьытэк но лыктэ,

Яратон, пе, синтэм, нош шимес пеймытэ

Со тодма чик тылтэк.

 

Добавить комментарий

Ваш e-mail не будет опубликован. Обязательные поля помечены *