Архив рубрики: Пӧртэм люкамъёсмы

Кытчы ышо удмуртъёс?

Кытчы ышо удмуртъёс? Та юан монэ но сюлмаськытэ. Зэмзэ но, кытчы ышо удмуртъёс?

Удмурт калык-со туж вашкала калык. Та калыклы будыны кулэ, нош асьмеос ӧжытгес кылӥськом. Гуртысь пиналъёс али тросэз городэ кошкыны туртто. Городэ кошкыса, нылъёс бызё, пиос кышно басьто. Тросэз соос пӧлысь аслэсьтыз пиналъёссэ удмурт кыллы уг дышето ни. Озьы ик быре удмурт кыл.

Али асьмеос удмуртлыкмес выльысь улӟытыны кулэ, удмуртлы удмурт луоно, азинтоно кылмес но культурамес.

Тулыс вуиз вордӥськем шаерам

     Арлэн дырыз котькыӵе луыны быгатэ: сӥзьыл-зоръёс, толалтэ — кезьытъёс, гужем -шундыё, а вот тулыслэн аслаз пӧртэмлыкъёсыз вань: соку лымы шуна, тудву бызе, шунды золгес пиштэ аслаз ӵуж, жуась тылсиосыныз. Кыӵе шулдыр ини соку! Сыӵе дыръя коркан пукем уг поты, сюлэм кыске солэсь чеберзэ адӟыны. Читать далее

Горд палэзьлэсь

Сӥзьыл ке вуэ, нюлэс дуръёсын, сад-бакча котыръёсын, синмез гочатыса кадь, горд-горд пишто палэзь ӟускиос. Шӧмзыя соос пӧртэмесь луо. Кудӥз ческыталэс-чырс, мукетсэ ыме но поныны уг луы – сокем чырс. Озьы ке но, тросэз адямиос та нюлэс емышез шумпотыса толы дасяло. Угось горд палэзь туж узыр С витаминэн. Быгатӥсьёсыз солэсь пӧртэм сиёнъёс, юонъёс дасяло. Мон но туннэ тӥледлы дэмласько варенье, смоква, пастила пӧзьтыны. Читать далее

Удмурт книгаос

Рисунок2Берло дыре удмурт кылын книгаосты шедьтыны туж секыт: школаосын но библиотекаосын совет дыре потэмъёсыз вужмизы, нош выльёсыз туж шер вуо асьме пала. Та нуналъёсэ Алексей Шкляев «Удмуртлык«лэн (быдэс дуннеысь удмуртъёслэн кусып возён интызы) валтӥсез «Удмурт литература вотэсын» нимо тэкшерон усьтӥз. Отчы пырыса  удмурт кылын но Удмуртия сярысь туж трос книгаосты шедьтыны луоз. Кылсярысь, отын вань Максим Прокопьевлэн «Максимлэн гожтэмез» но  Гавриил Прокопьевлэн «Нюлэскын» книгаоссы.