Дорвыжы

Сюрс аръёс, сю дауръёс пыр ымысь ыме, пельысь пеле вераса, даурлэн пумозяз удмурт калык но вуттӥз аслаз батыръёсыз сярысь веранъёссэ. Чупчи пал, Вало пал, Калмез пал, Арча кар дорысь батыръёс. Донды, Идна, Зуй, Янтамыр, Ядыгар, Эштэрен, Тутой но Мардан батыръёс… Кыӵеесь соос калыклэн суредамезъя.

Нырысь ик, туж кужмоесь. Одӥг киынызы гурезьёсыз ӵошкатыны быгато, нош кар кылдытон понна ожмаськыкузы, вырйылэз кыскыса гурезёзь будэто. Кутысьтызы кисьтэм музъем вырйылъёслы пӧрме. Одӥг гурезёзь мукет гурезёзь лэзьяло соос секыт корт гиръёсты но бадӟым коръёсты. Пукыӵысьтызы лэзем ньӧлъёс, музъеме йӧтыса, быдэс вырйыл кылдыто. Синъёссы соослэн лэчытэсь: одӥг ӟичы но,коньы но, лудкеч но уз ватӥськы ньолъёсызлэсь. Зарни куас вылэ султыса, тӧллэсь но ӝог бызьыло, одӥг интыысь мукетаз вуытосязы, киязы понэм пӧсь нянь сӥяса уг вуы. Куаразы сокем зол, сое кылыса, музъем зурка, писпуос пограло, тылобурдоос но пӧйшуръёс каръёсазы ватӥсько. Со палашлэсь кышкаса, поръёс уг дӥсьто ни удмуртъёсын кужымзэс мертаны.

Добавить комментарий

Ваш e-mail не будет опубликован. Обязательные поля помечены *