Анай

Лэсьтэ ке нырысьсэ вамыш пинал

Вамышезлы со шумпотэ далай.

Ачиз понна но

Нылыз понна

Соку юнгес, дыр, шумпотэ анай.

Флор Васильев.

Котькинлы тодмо ини асьме музъем вылын анайлэсь дуноез нокин но ӧвӧл шуыса. Котькыӵе сютэм улыку но, со асьмелы нянь сётэ, нош мурт курласа вераку, анай сюлэм асьмесыз шунтэ, лякыт кылъёсыз сюлэме пыӵало. Уйёссэ но изьытэк потэ анай куке пинал сюлэме бӧрдэ. Небыт киосыныз бам бордэ йӧтскыса, мусо анаймы вань сьӧлыкмес быдтэ кадь. Нокыӵе зарниен но уд вошты со ужась, мусо но дуно киосты. Мар гинэ уг каро на соос: керттӥсько, вурисько, пӧрало; лудэ но, заводэ но вуыло; пӧсез но кезьытэз но чидало. Нырысьсэ пинал вить ваиз ке солэн сюлэмыз шумпотыса бӧрдэ. Котькыӵе шуг секытэз но ворме анай. Нэнэлы вось луиз ке но, со уз возьматы курыт синкылиоссэ, пиналлы секыт медаз луы шуыса. Нырысь ик анай, нылзэ яке пизэ вордыкуз, соослэн кыӵе ке инме ӝутсконзы сярысь уг малпаськы ук, зэмос адями мед луозы шуыса сюлмаське. Сюлмаськыса ик анайлэн ымныраз кисыриосыз пото. Тани П.Ёлкинлэн суредаз но уно сюлмаськем на, дыр, анай. Кыӵе секыт улонэз ук солэн, сомында кисыриос потэм бере. Озьы ке но, нылпиослы со мусо но дуно адями. Сое ярато но гажало. Шумпото серекъямезлы, азьло кадь ик лякыт кылъёсызлы.

Сюлэмам выльысь ӝужасалзы ке

Ӵук ӟардон кадь чебересь гуръёс,

Соосты одно ик сӥзьысал мон,

Тӥледлы, мусо анайёс.

С.Широбоков.

Добавить комментарий

Ваш e-mail не будет опубликован. Обязательные поля помечены *